ერთ მშვენიერ დღეს დაიბადა იდეა, გაგვეკეთებინა ისეთი რაღაც, რაც ფეხბურთის და არამარტო ფეხბურთის, არამედ, ზოგადად, სპორტის მოყვარულებს მისცემდა იმის შესაძლებლობას, მარტივად და სწრაფად მოეგვარებინათ ის ძირითადი პრობლემა, რომელსაც ჰქვია  ,,ბურთი ვის აქვს?” ან ,,კარგი ბურთი სად ვიშოვოთ?”, ანდა ,,ვითამაშოთ, მაგრამ ბურთი?!”. ჩვენი სურვილი კი ის იყო, რომ შეგვემუშავებინა გეგმა, გადაგვეწყვიტა ეს, ერთი შეხედვით, მარტივი, მაგრამ არცთუ ისე იშვიათი პრობლემა.

ისე სიმართლე ვთქვათ, მშვენიერი სულაც არ ყოფილა ის დღე, როდესაც ეს იდეა გაჩნდა. ზოგადად, საკმაოდ არასასიამოვნოდ გახსენდება დღე, როცა თამაში გინდა და ბურთი არაა, ანდა კარგი ბურთი ,,ვერ ჩამეიტანეს”. პრობლემის საკუთარ თავზე გამოცდა ან დამატებით მოტივაციას გძენს, ან პირიქით, ფარხმალს გაყრევინებს. კარგია, ჩვენ შემთხვევაში მსგავსი პრობლემა, რომ პოზიტიურად განვითარდა და მშვენიერი მოტივაციაც მოგვცა, ერთხელ და სამუდამოდ გადაგვეწყვიტა მთელი საქართველოს მასშტაბით მსგავსი, სპორტთან დაკავშირებული პრობლემები — ხარისხიანი ბურთის თუ სხვა სახის სპორტული ინვენტარის არქონა. თუმცა ამოსავალი წერტილი ბურთი იყო, ამიტომაც ჰქვია ჩვენს საიტს, ის რაც ჰქვია.

მიუხედავად იმისა, რომ ეს აზრი იდეის დონეზე იყო, ერთობლივი ძალით ნამდვილად შეესხა ხორცი. ახლა მთავარია, პრაქტიკაში ვის როგორ წაადგება და დაეხმარება.

ჩვენ თავს არ დავზოგავთ, რომ ბევრი რამ ვისწავლოთ და მეტად განვვითარდეთ, რადგან რაც შეიძლება ბევრ სპორტის მოყვარულს დავეხმაროთ მსგავსი პრობლემის სწრაფად, მარტივად და ხარისხიანად მოგვარებაში.